ພົບປະຜູ້ຮັບຈັດການງານຊາປະນະກິດສົບ

ກ່ອນທີ່ທ່ານຈະພົບກັບຜູ້ຮັບຈັດການພິທີງານຊາປະນະກິດສົບ, ພວກຂ້າພະເຈົ້າແນະນຳໃຫ້ໂອ້ລົມກັບຄອບຄົວກ່ອນ ເພື່ອຕັດສິນໃຈວ່າໃຜຈະເປັນຜູ້ຕັດສິນໃຈ ແລະ ປະສານງານຕົ້ນຕໍ, ເພື່ອຮັບປະກັນໃຫ້ວຽກງານບໍ່ມີຄວາມສັບສົນ.

ໃຫ້ເວລາ 1-2 ຊົ່ວໂມງ ສຳລັບການປະຊຸມຄັ້ງທຳອິດ ແມ່ນເພື່ອຮັບປະກັນໃຫ້ການຈັດງານຊາປະນະກິດສົບເລີ່ມຕົ້ນໄປໄດ້ດີ. ແຕ່ວ່າບໍ່ແມ່ນການຕັດສິນໃຈທັງໝົດທີ່ຕ້ອງດໍາເນີນໃນກອງປະຊຸມຄັ້ງນີ້, ເຊິ່ງຈະມີບາງເນື້ອໃນທີ່ຕ້ອງໄດ້ຕົກລົງກັນ.

1. ວັນ, ເວລາ ແລະ ສະຖານທີ່ໃຫ້ບໍລິການ. ສິ່ງເຫຼົ່ານີ້ຊ່ວຍໃຫ້ຄອບຄົວ ແລະ ໝູ່ເພື່ອນສາມາດຈັດສັນເວລາຂອງເຂົາເຈົ້າໄດ້ໃນການເດີນທາງ ຫຼື ພັກວຽກ.
2. ປະເພດການບໍລິການໃດທີ່ທ່ານຕ້ອງການ? ຕົວຢ່າງ: ພຸດທະສາສະໜາ, ສາດສະໜາເຕົາ, ສາດສະໜາຄຣິສຕຽນ, ສາດສະໜາກາໂຕລິກ ຫຼື ຜູ້ບໍ່ຖືສາດສະໜາ.
3. ສິ່ງທີ່ທ່ານຕ້ອງການສໍາລັບການບໍລິການ: ໃຜຈະເປັນຜູ້ນໍາການບໍລິການ, ມີທາງເລືອກຕ່າງ ເຊັ່ນ: ດົນຕີ, ດອກໄມ້, ແຈ້ງການທາງໜັງສືພິມ/ອິນເຕີເນັດ, ການຈັດອາຫານ, ການອອກແຈ້ງການທາງເວັບໄຊ,
4. ເປັນການເຜົາສົບ ຫຼື ການຝັງສົບ?
5. ທ່ານມີປ່າຊ້າ ຫຼື ຕອນດິນສວນທີ່ໄດ້ເລືອກໄວ້ແລ້ວບໍ? ກະລຸນາເອົາໃບຢັ້ງຢືນສິດໃນການຝັງສົບມາພ້ອມ. ເປັນສິ່ງສຳຄັນຫຼາຍທີ່ພວກຂ້າພະເຈົ້າຈະຕ້ອງມີຕົວເລກຫຼຸມຝັ່ງສົບເພື່ອດໍາເນີນການຝັ່ງສົບ. ຫຼັງຈາກການເຜົາສົບແລ້ວ, ທ່ານສາມາດນັດໝາຍເພື່ອຈັບຈອງເອົາໄວ້
6. ເອກະສານທັງໝົດເພື່ອດໍາເນີນວຽກງານໃຫ້ສໍາເລັດລວມເຖິງການລົງທະບຽນການເສຍຊີວິດ. ທ່ານຕ້ອງປະກອບແບບຟອມລົງທະບຽນຄົນຕາຍໃຫ້ຄົບຖ້ວນກ່ອນທີ່ທ່ານຈະພົບກັບຜູ້ຮັບຈັດການງານຊາປະນະກິດສົບ, ເພື່ອໃຫ້ເຂົາເຈົ້າສາມາດຊ່ວຍທ່ານໄດ້.
7. ຄ່າໃຊ້ຈ່າຍ ແລະ ທາງເລືອກໃນການຊໍາລະເງິນແມ່ນໄດ້ອະທິບາຍໂດຍຜູ້ຮັບຈັດການງານຊາປະນະກິດສົບ ແລະ ທ່ານຈະໄດ້ຮັບການຄາດຄະເນຄ່າທໍານຽມຢ່າງຄົບຖ້ວນ.

ຜູ້ຮັບຈັດການງານຊາປະນະກິດສົບ ຈະພົວພົນຕິດຕໍ່ກັບຜູ້ສະໜອງການບໍລິການທັງໜົດໃຫ້ທ່ານ, ທ່ານບໍ່ຈຳເປັນຕ້ອງປະສານງານຫາເອງກໍ່ໄດ້. ລວມເຖິງການຕິດຕໍ່ກັບບ່ອນຝັງສົບ ຫຼື ສຸສານ, ການສັ່ງຈອງສິ່ງອຳນວຍຄວາມສະດວກຕ່າງໆ. ພວກຂ້າພະເຈົ້າຈະໃຫ້ສໍາເນົາການຈັດພິທີງານຊາປະນະກິດສົບໃຫ້ທ່ານ ເພື່ອໃຫ້ທ່ານ ແລະ ພວກຂ້າພະເຈົ້າທັງສອງຝ່າຍຮັບຮູ້ວ່າສິ່ງໃດໄດ້ຕົກລົງກັນໄວ້ແລ້ວ.

ການຕັດສິນໃຈເພີ່ມເຕີມທີ່ທ່ານຈະຕ້ອງໄດ້ເຮັດ:
 

ການນຸ່ງເຄື່ອງ ແລະ ລາຍການໂລງສົບ

ສໍາລັບກາຝັງສົບ:
ຄືກັນກັບການສະໜອງເຄື່ອງນຸ່ງ ເພື່ອແຕ່ງຕົວໃຫ້ຄົນທີ່ທ່ານຮັກ, ທ່ານອາດຈະສະໜອງເຄື່ອງຂອງຈໍານວນເລັກນ້ອຍ ໃສ່ໃນໂລງສົບ ຫຼື ຫີບສົບ ເຊັ່ນ: ຊຸດເຄື່ອງນຸ່ງລະດູຮ້ອນ, ຊຸດເສື້ອກັນໜາວໜຶ່ງຊຸດ, ແວ່ນອ່ານໜັງສື ແລະ ສິ່ງທີ່ທ່ານມັກອື່ນໆ. ກະລຸນາຕິດປ້າຍກະໃສ່ສໍາລັບ ‘ການນຸ່ງເສື້ອຜ້າ’ ແລະ ‘ໂລງສົບ’.

ສໍາລັບການເຜົາສົບ:
ແນະນໍາໃຫ້ທ່ານແຕ່ງຕົວໃຫ້ຄົນທີ່ທ່ານຮັກຄືກັບລາວ/ນາງກໍາລັງຈະໄປງານລ້ຽງທີ່ມີຊຸດຊັ້ນໃນ, ເກີບ ແລະ ຖົງຕີນ/ຖົງຢາງ. ຢູ່ອອສເຕຣເລຍ, ພວກຂ້າພະເຈົ້າເຜົາສົບຄົນທີ່ມີໂລງສົບ/ຫີບສົບ, ຖ້າທ່ານວາງເຄື່ອງຂອງຫຼາຍອັນໃສ່ໃນໂລງສົບ/ຫີບສົບ, ອາດຈະບໍ່ສາມາດເອົາເຂົ້າໄປຢູ່ໃນຖັງຂີ້ເທົ່າ. ຜູ້ຮັບຈັດການງານຊາປະນະກິດສົບຂອງສາມາດໃຫ້ຄຳແນະນຳທ່ານໃນເລື່ອງນີ້.
 

ຮູບພາບ

ກະລຸນາເລືອກຮູບທີ່ດີທີ່ສຸດຂອງຄົນທີ່ທ່ານຮັກ, ວິທີການທີ່ທ່ານຢາກໃຫ້ຍາດຕິພີ່ນ້ອງ ແລະ ໝູ່ເພື່ອນຂອງທ່ານຈົດຈໍາໄປຕະຫຼດ. ຂະໜາດປົກກະຕິຂອງຮູບແມ່ນຂະໜາດ A4, ມີຂາຕັ້ງພ້ອມ. ຮູບນີ້ຈະຖືກຕັ້ງຢູ່ເທິງໂຕະ ຫຼື ວາງໃນຕຶກໂບດໃນລະຫວ່າງການບໍລິການ. ຫຼັງຈາກການບໍລິການແລ້ວ, ຮູບນີ້ຈະຖືກມອບຄືນໃຫ້ກັບຄອບຄົວທ່ານເພື່ອເກັບຮັກສາໄວ້. ທ່ານສາມາດເລືອກຂອບຮູບທີ່ທ່ານມັກ. ຖ້າມີການນຳສະເໜີສະໄລ້, ກະລຸນາກະກຽມພາບຖ່າຍທີ່ຍັງເປັນພາບສະໄລ້ເບື້ອງຕົ້ນ ເພື່ອໃຫ້ຮູບນີ້ສາມາດສາຍຢູ່ເທິງໜ້າຈໍໃນຕຶກໂບດ.
 

ດອກໄມ້ສົ່ງສະການ

ຜູ້ອອກແບບດອກໄມ້ຂອງພວກຂ້າພະເຈົ້າຈະອອກແບບການສະແດງຄວາມເຄົາລົບ, ດອກໄມ້ແມ່ນດອກໄມ້ຈັດຕາມລະດູການໂດຍອີງໃສ່ສີທີ່ຄົນຮັກຂອງທ່ານມັກ ເຊັ່ນ: ສີບົວ, ສີຂາວ ແລະ ສີມ່ວງ.

ຂ້າງລຸ່ມນີ້ແມ່ນຄໍາແນະນໍາຂອງພວກຂ້າພະເຈົ້າສໍາລັບປະເພດຂອງດອກໄມ້ສົ່ງສະການ.

ເພື່ອຄວາມສະດວກສະບາຍຂອງທ່ານ, ພວກຂ້າພະເຈົ້າໄດ້ອອກແບບ ແບບຟອມການສັ່ງຊື້ດອກໄມ້. ກະລຸນາພິມ ແລະ ປະກອບໃຫ້ຄົບຖ້ວນແລ້ວມອບໃຫ້ຜູ້ຈັດການການຝັງສົບ. ທ່ານສາມາດໃຊ້ຕົວອັກສອນພາສາອັງກິດ ຫຼື ພາສາຈີນກໍ່ໄດ້. ກະລຸນາຂຽນຢ່າງຈະແຈ້ງໃນແບບຟອມ. ຜູ້ອອກແບບດອກໄມ້ຂອງພວກຂ້າພະເຈົ້າຈະກະກຽມບັດສະແດງຄວາມຍິນດີ ແລະ ອີເມວໃຫ້ທ່ານເພື່ອອ່ານຢືນຢັນກ່ອນທີ່ຈະພິມອອກມາ.